Tira(ToitūTeReo)

Nau Mai, Haere Mai, Waiata Mai.

Ka whakarewaina ngā kaupapa āhuareka o Toitū Te Reo ki a Tira, ki te huihunga UTUKORE e pōhiritia ai te katoa kia rere ngātahi ai ngā reo waiata ki ērā o ētahi o ngā pūkenga kaiwaiata, kaitito anō o Aotearoa, kia ora anō ai ētahi o ngā waiata kua tino hau nei ngā rongo.

Piri mai kia whakanuia ai te whakatuwheratanga o Te Ahurei Toi O Tāmaki Makaurau ki tētahi ara kei tua o kapenga - ki tētahi waiatatanga ngātahi ā-iwi ki te papa o Aotea/Aotea Square, ki te pokapū o te Takiwā Toi o Aotea.

Tukuna tō reo kia rere ngātahi ai ki tini reo kē atu, nō tātou ka waiata mō tō tātou tāone, mō tō tātou reo, mō ō tātou Ringatoi, mō tō tātou hui Ahurei anō.