WHĀNUI

He auaha, he mahi mātātoa ā-pāpori anō a Whānui: he kohinga kaupapa toi e whai wāhi atu ai tētahi kāhui autaia e noho nei ki Tāmaki Makaurau, ki te waihanga toi, otirā, ki te whai pānga, ki te whai wheako ki ētahi mahi toi huri noa i te rohe, ki ngā tini whaitua e noho nei hei wāhi nō ō tātou pā kāinga - koko huarahi mai, pokapū hokohoko mai, papa rēhia mai, marae mai anō.

I tēnei tau ka whakarākeitia a Whānui ki te reo Māori mā Toitū Te Reo, he kaupapa e whakaatu nei i tā Te Ahurei Toi O Tāmaki Makaurau aronui ki te reo Māori.

He mea ārahi e ō tātou hapori kanorau e mahi tahi nei ki ētahi pūkenga toi, he kaupapa UTUKORE ēnei, he kaupapa e whai wāhi atu ai te tangata, he mea pupū ake huri noa i Tāmaki Makaurau i te tau 2019, ka mutu, he mea taunaki i te whai kia whakanuia, otirā, kia māori anō te rere o te reo Māori, kia rangona ai ōna momo katoa.

Mā te aroha me te kotahitanga tātou e ora ai.

Ka wātea mai he rārangi kaupapa e tohu nei i ngā rā me ngā wāhi e tū ai, hei te pito tōmua o te tau 2019